दोहा :-
रंग रंगीले राजस्थान में,
देखे अजब नज़ारे,
कण कण में यहाँ आन बसे है,
इस धरती पर देव हमारे,
अपनी अपनी शोभा सबकी,
अपनी अपनी महिमा है,
कुदरत ने कर दिया यहाँ पर,
देखो अजब करिश्मा है।
म्हारो श्याम बसे खाटू माहि,
सालासर में बजरंगी,
राणी सती राज करे जी झुंझणु के माहि,
म्हारो श्याम बसे खाटू माहि।।
हे गौरी सूत देव गजानन,
देवारा सिरमौर है,
मरुधर में धाम बणायो,
प्यारो रणथंबोर है,
ओ भक्तो रे,
मरुधर में धाम बणायो,
प्यारो रणथंबोर है,
गणपति ने पूजे दुनिया घर घर माहि।
म्हारो श्याम बसे खाटू माहि…
ओ सावळीयो सेठ पियारो,
मण्डफिया विराजे है,
नाथद्वारा श्रीनाथ को,
मंदिर यो साजे है,
लो देखो रे,
नाथद्वारा श्रीनाथ को,
मंदिर यो साजे है,
भक्ता रा काज सवारे संकटये माए।
म्हारो श्याम बसे खाटू माहि…
परबत पे शाकम्बरी माँ,
गोरिया में जिण धाम,
दो जाटी बालाजी को,
प्यारो सो एक धाम,
ओ भक्तो रे,
दो जाटी बालाजी को,
प्यारो सो एक धाम,
अंजनी माँ को लाल बिराजे मेहंदीपुर माहि।
म्हारो श्याम बसे खाटू माहि…
रुणिचे रामदेवजी,
पीरा को पीर है,
पूनरासर में बजरंगी,
वीरा को वीर है,
ओ सुण जो रे,
पूनरासर में बजरंगी,
वीरा को वीर है,
करणी माता दर्शन देवे बीकानेर माए।
म्हारो श्याम बसे खाटू माहि…
गळता जी पूण्य तीरथ है,
पुष्कर में ब्रम्हा धाम,
प्यारी प्यारी राधा सागे,
जयपुर में राधेश्याम,
ओ श्याम रे,
प्यारी प्यारी राधा सागे,
जयपुर में राधेश्याम,
निशदिन रास रचावे बालू रेत माए।
म्हारो श्याम बसे खाटू माहि…
धोरा री धरती माहि,
सतियो का राज है,
राणी सती ढांढण सती,
राखे माँ लाज है,
ओ दादी जी,
खेमी सती धोळी सती,
राखे माँ लाज है,
हम सब देवी देव बिराजे राजस्थान माए।
म्हारो श्याम बसे खाटू माहि…
